Уроки по Joomla 3 можно найти здесь: http://joomla3x.ru/
Суббота, 25 июня 2022 00:15

Олох киэҥ аартыгар үктэннилэр

Автор

Профессор Г.П.Башарин аатынан Сылаҥ агро хайысхалаах оскуоланы быйыл 18 үөрэнээччи бүтэрдэ. Бэс ыйын 21 күнүгэр күммүт муҥутаан үөһэ күөрэйэр, Алгыс түһэр бэлиэ күҥҥэ, оскуоланы түмүктүүр дьоро киэһэ буолла.

Бу күн оҕолорго анаан, улууска биллэр оһуохайдьыт, тойуксут Горохова Т.Н алгыс толору сиэрин-туомун толордо, учууталлар кэс тылларын эттилэр. Кылаас салайааччылара СӨ үөрэҕириитин туйгуна Анемподистова В.С, туйгун категориялаах география учуутала Санников К.Д оҕолорго анал номинациялары анаабыттара олус кэрэхсэбиллээх буолла.

Бу тэрээһин үөрүүлээх чааһыгар директор Дьяконов Н.В. бастыҥ үөрэнээччигэ, общественнай өйдөөх-санаалаах, сайдыыга тардыһыылаах, кэскиллээх выпусникка, Семен Ноговицыҥҥа,  медицинскэй наука дуоктара,СВФУ профессора, Аан дойдуга Чөл олох хамсааһынын көҕүлээччи, Сылаҥ оскуолатыгар  медицинскэй кылааһы төрүттээччи, салайааччы  Карл Георгиевич Башарин  аатынан Бириэмийэни туттарда. Салгыы Николай Викторович  выпускниктары өссө биир Бириэмийэ –“За высокий балл ЕГЭ”-күүтэрин иһитиннэрдэ. Бу икки улахан  бириэмийэлэри Башарин К.Г уола , “Мииринэй улууһа” МТ баһылыгын экономикаҕа уонна үпкэ солбуйааччыта, Геогий Карлович Башарин, анаата. Бэлиэтээн аастахха, Тиһэх чуораан тэрээһинигэр учредителлэр элбэх бириэмийэни анаабыттара оскуоланы бүтэрээччилэргэ  улахан көҕүлүүр күүс буолбута чуолкай.

Биһиги  агроскуола буолан туран,  үөрэнээччигэ үлэ сатабылын иҥэрэрбит таһынан, идэҕэ туһаайар үлэни утумнаахтык ыытабыт. Ол курдук быйылгы үөрэх сылын 15 үөрэнээччи  идэлээх   түмүктээтилэр. Онтон бу күн Дьокуускайдааҕы медицинскэй колледж дириэктэрэ Алексеев Дмитрий Афанасьевич 10  выпусникка «Младшая медицинская сестра по уходу за больными» идэ сибидиэтилистибэтин туттарда. Оҕолор бу идэлэрин докумуонун икки толору сыл, үөрэхтэрин кытта тэҥҥэ тутан,  үөрэнэн ыллылар. Дмитрий Афанасьевич оскуола администрациятыгар, маннык социальнай өттүнэн олус халбархай, ыарахан кэмҥэ, оҕоҕо туһаайан, оҕо көмүскэллээх буолуутугар үтүө суолу тутуспуттарыгар махтанна. Салгыы бу сибидиэтилистибэлэригэр медицинскэй колледжка киириилэригэр 5 баал эбиллэрин бэлиэтээтэ. Оҕолор уонна  төрөппүттэр  Дмитрий Афанасьевичка ис сүрэхтэриттэн махтаннылар. Оскуола администрацията инникитин идэҕэ туһаайар үлэ өссө кэҥииригэр, сайдарыгар эрэннэрдэ.

Бу курдук саха саарына профессор Г.П.Башарин аатынан Сылаҥ агрохайысхалаах оскуолата олох киэҥ суолугар күндү үөрэнээччилэрин атаарда.

Сивцева ЛС , дириэктэри агрохайысхаҕа  солбуйааччы.

23.06.2022.

Прочитано 117 раз Последнее изменение Пятница, 29 июля 2022 10:17
Решаем вместе
Есть предложения по организации учебного процесса или знаете, как сделать школу лучше?