Уроки по Joomla 3 можно найти здесь: http://joomla3x.ru/
Среда, 29 сентября 2021 15:13

Сылын аайы ыытыллар үтүө үгэс - "Көмүс күһүн" күрэх

Автор

        Сылын аайы ыытыллар “Көмүс күһүн” быыстапка – күрэххэ быйыл 9 оскуола кыттыыны ылла. Кыттааччылар айымньылаах көрүүлэринэн, уратытык бэлэмнэнэн бары үрдүк таһымнаахтык кытыннылар. Быйылгы күрэх балаһыанньатыгар “Лучший эксперимент”, “Выбор Управления сельского хозяйства Чурапчинского улуса” анал ааттар эбиллэн биэрдилэр.

Ожулунская СОШ 2
        “Лучшее оформление школьного двора” анал ааты Г.Д. Протодьяконов аатынан Алаҕар орто оскуолата ылла. Оскуола тирэгэнин иһин киэргэтиигэ тэҥнээҕин булбат, 130 тахса талах маһы, хатыҥ, сибэкки эгэлгэтин олордон, көрөн-харайан үүннэрэллэр. Отон, оҕуруот аһын арааһыттан 60 көрүҥ утах, барыанньа оҥорон быыстапкалаатылар.
        “Лучшая фотография урожая” анал аат кыайыылааҕа-Одьулуун орто оскуолата. Оскуола коллектива “Greenwich market” тиэмэҕэ ураты хаартыскатынан кыайыылаах таҕыста. Маны таһынан, “Выбор Управления сельского хозяйства Чурапчинского улуса”анал ааты ылла.

Сыланская СОШ
        “Лучший производственный бизнес проект” анал ааты Р.И. Константинов аатынан Амма орто оскуолата ылла. Оскуолаҕа “Эйгэ” ХЭТ оҕуруот аһын анал тоҥоруу туһунан бырайыагын дьүүлүүр сүбэ хайҕаата. Манна оскуола оҥорон таһаарар бизнес бырайыактара көрүлүннүлэр. Барыта 5 бырайыак көрүлүннэ: Одьулуун оскуолата-тротуарнай плита оҥоруу, Дирин “АГРО” оскуола – үүт уоһаҕын туһаҕа таһаарыы, Сылан орто оскуолата-эмтээх үүнээйилэртэн чэй оҥоруута, Бахсы орто оскуолата-дьиэҕэ халбаһы, сыр оҥорон атыыга таһаарыы.
        Агро хайысхалаах оскуолалар үүнээйини үүннэриигэ араас эксперимиэни боруобалыыллар. “Лучший эксперимент” анал ааты И.Е. Федосеев аатынан агро хайысхалаах Дирин орто оскуолата ылла. Үөрэнээччилэр Айсен Хоютанов- “Калифорния чиэрбэлэрэ”, Старостина Сайыына-“Лагенарияны үүннэрии”, Хоютанова Яра- “Хара редька”, Андросова Ира- “Хортуопуй 9 көрүҥүн олордуу”, Булдакова Мира - “Теплицаҕа арбуһу үүннэрии, көрүү-харайыы” чинчийэр үлэлэрэ кыайыыны аҕалла.

Диринская СОШ
        “Широкий ассортимент” анал аат кыайыылааҕа - үүнээйи араас көрүҥүн үүннэрэн, кролик, кус-хаас иитэн, хороҕор муостааҕы, сыспай сиэллээҕи дэлэтэн Г.П. Башарин аатынан Сылан орто оскуолата буолла.
        И.М. Павлов аатынан Чурапчы орто оскуолата, А.А. Макаров аатынан Улахан-Күөл оскуолата, А.П. Илларионов аатынан Хайахсыт орто оскуолата “Лучшее фото урожая” анал аакка кытыннылар.
        Күрэх муҥутуур кыайыылааҕынан бары анал аакка ситиһиилээхтик кыттан Г.П. Башарин аатынан Сылан орто оскуолата таҕыста.
Бары кыттыыны ылбыт оскуолаларга, салайааччыларга, учууталларга, оҕолорго истиҥ махталбытын тиэрдэбит. Кыайыылаахтарга итии-истиҥ эҕэрдэ!!! Баҕарабыт барыгытыгар өссө да үрдүк ситиһиилэри, саҥаттан саҥа арыйыылары, үрдүктэн үрдүк дабайыылары!!!

 

Прочитано 95 раз