Уроки по Joomla 3 можно найти здесь: http://joomla3x.ru/
Вторник, 01 июня 2021 09:28

  Бүтүн Арассыыйатааҕы «Я-исследователь» күрэххэ ситиһии

Автор
Оҕо ордук кыра сааһыгар саҥаны билиэн-көрүөн, арыйыан баҕата күүстээх буолар, бу айылха сокуона. Кыра киһи тулалыыр эйгэтин ураты истиҥник дьиктиргээн көрөр. Бу интэриэһин сөпкө табан оҕону кыра сааһыттан чинчийэр үлэҕэ угуйуохха сөп. 
Биһиги улууска уһуйаан саастаах оҕолорго чинчийэр дьоҕурдарын сайыннарар элбэх проектар, конкурстар сылын аайы ыытыллаллар.   
Бүтүн Арассыыйатааҕы «Я-исследователь» күрэх бастакы этаба элбэх оҕону хабан үрдүк таһымҥа ыытыллан Өрөспүүбүлүкэ этабын кыайыылаахтарын таһааран кэллэ. Кэнники сылларга уһуйаан саастаах оҕолорбут финалга киирэн Сахабыт Сирин көмүскүү Арассыыйа араас регионнарын кыайыылаахтарын кытта тэҥҥэ күрэхтэһэн бастыҥнар ааттарыгар киирэллэрэ олус үөрдэр. 
 
WhatsApp Image 2021 06 01 at 09.12.09 1
 
Ол курдук, быйыл Мугудайдааҕы "Чуораанчык" уһуйаан иитиллээччитэ Афанасьев Эрчим улууска, өрөспүүбүлүкэҕэ бастаан, финалга тахсан лауреаттар күрэхтэригэр кыайан Арассыыйа таһымын 1 степеннаах дипломана уонна "Төрөөбүт кыраайыгар тапталын иһин" номинация кыайыылааҕа буолары ситистэ.   

WhatsApp Image 2021 06 01 at 09.12.10

Үөрүүлээх солун оҕо көмүскэлин күн иһилиннэ. Кырачаан чинчийээччигэ, кыайыыга кынаттаабыт Мугудайдааҕы "Чуораанчык" уһуйаан экоквантумун кружогун салайааччытыгар Мария Сивцеваҕа уонна Эрчим төрөппүттэригэр истиҥ эҕэрдэбитин тиэрдэбит.

 
Прочитано 236 раз Последнее изменение Среда, 02 июня 2021 14:27