Уроки по Joomla 3 можно найти здесь: http://joomla3x.ru/
Среда, 30 сентября 2020 12:19

«Көмүс күһүн» оскуолалар икки ардыларынааҕы быыстапка-күрэх

Автор

         «Көмүс күһүн» оскуолалар икки ардыларынааҕы быыстапка-күрэх балаҕан ыйын 18-22 күннэригэр ыытылынна. Быйылгы тэрээһиҥҥэ 12 оскуола көхтөөх кыттыыны ылла. Күрэх балаһыанньатынан: 6 анал аат, 2 муҥутуур кыайыылаах таҕыста. Быһааран эттэххэ, агротехнологическэй хайысхалаах оскуолалар туспа күрэхтэстилэр. Урукку кэмҥэ Чурапчы күнүн чэрчитинэн, П.Е. Барахсанов аатынан паркаҕа мустан, атыылыыр сири тупсаҕайдык киэргэтэн, оҥостон-тэринэн, дьоҥҥо - сэргэҕэ атыы-тутуу эгэлгэтин тардан күрэх олус сэргэхтик ааһара. Онтон быйыл, тыҥаан турар балаһыанньаҕа олоҕуран онлайн форманан күрэх ыытылынна. Ол да буоллар, балаһыанньаны хайдах баарынан ылынан, хас биирдии оскуола сүрдээх тэрээһиннээхтик, кыһамньылаахтык, айымньылаахтык үлэлэрин-хамнастарын толору арыйан дьүүллүүр сүбэҕэ тириэртилэр. Кылгас сайын устата ыытыллыбыт олус киэҥ, туһалаах үлэ үтүө түмүгүн астына көрдүбүт.

Слайд3
        Түмүгү билиһиннэрдэххэ, Г.Д. Протодяконов аатынан Алаҕар орто оскуолата уонна агротехнологическай хайысхалаах оскуолалар икки ардыларыгар И.Е. Федосеев-Доосо аатынан Дириҥ “АГРО” орто оскуолата кыайыылаах таҕыстылар. Үүнүүлэрэ эгэлгэтэ, өлгөмө, араас көрүҥэ бииртэн биир элбэҕэ сөхтөрдө.

Слайд1
Анал ааттар:
“Бастыҥтан бастыҥ оҕуруот аһа”- Р.И.Констанинов аатынан Амма орто оскуолата-8 кг хаппыста, С.К. Макаров аатынан Чурапчы гимназията-4 кг свекла.
“Үүнүү бастыҥ хаартыската”-Одьулуун орто оскуолата, А.П. Илларионов аатынан Хайахсыт орто оскуолата
“Үүнүү эгэлгэтэ” – Г.Д. Протодяконов аатынан Алаҕар орто орто оскуолата, И.Е. Федосеев-Доосо аатынан Дириҥ “АГРО” орто оскуолата
“Оскуола тэлгэһэтин бастыҥ киэргэтии”-Г.П. Башарин аатынан Сылан орто оскуолата, сибэкки араас көрүҥүнэн, өҥүнэн дьүөрэлээн тиэргэнин киэргэппит.
“Күһүҥҥү үтүө санаа” акция- И.М. Павлов аатынан Чурапчы орто оскуолата, С.Д. Флегонтов аатынан Хадар орто оскуолата. Тустаах дьоҥҥо оҕуруот аһын хомуйан, түҥэтэн үөртүлэр, дьон махталын ыллылар. Сиэр-майгы өттүнэн иитии биир бастыҥ көрүҥэ буоллаҕа. Маны таһынан, айылҕаны, сири –уоту ыраастаатылар.
“Дьиэ кэргэн бастын үүнүүтэ”-Д.Г. Барашков аатынан Бахсы орто оскуолата, А.А. Макаров аатынан Улахан-Күөл оскуолата, П.М. Васильев аатынан Соловьев орто оскуолата.

фото 1
       Ким үлэлиир - ол аһыыр, элбэх битэмииннэх ас олордон, үлэлээн-хамнаан туһалаахтык аһаан доруобай буолун!

 

Прочитано 445 раз