Уроки по Joomla 3 можно найти здесь: http://joomla3x.ru/
Понедельник, 25 ноября 2019 17:14

Амма орто оскуолатыгар Үлэ Дьоруойа Роман Иннокентьевич Константинов ааҕыылара

Автор

Сэтинньи 22 күнүгэр Амма орто оскуолатыгар сахалартан бастакы Үлэ Дьоруойа Р.И. Константинов аатынан научнай-практическай кэмпириэнсийэ буолан ааста. Улууспут 11 оскуолатын алын сүһүөх кылааһын үөрэнээччилэрэ кэлэн кытыннылар. Уопсайа алта уонча оҕо наука эйгэтигэр сэмэй хардыыларын оҥорон, дьон-сэргэ ортотугар  кэпсээтилэр-ипсээтилэр, чинчийиилэрин сырдаттылар.  “Социалистическай Үлэ Геройа Р.И.Константинов олоҕо”, “Үлэ киһини киэргэтэр”,  “Мин - тыа сирин оҕотобун” секцияларга итиэннэ көҥүл тиэмэҕэ дакылаат аахтылар. Кэмпириэнсийэҕэ СӨ Үөрэҕириитин туйгуна О. М. Борисова, «Кустук” лааҕыр методиһа, эколог  И.И.Сивцев, СӨ үөрэҕириитин туйгуна Н. Н. Кожурова, үөрэх салалтатыттан Н. К. Пермяков, нэһилиэк библиотекара Т.И. Егорова итиэннэ олохтоох оскуола учууталлара сыаналаатылар.

IMG 20191122 WA0021

Түмүккэ И.М. Павлов аатынан Чурапчы орто оскуолатын  үөрэнээччитэ  Арчын Матвеев «Төрөөбүт дойдум дьоруойа – Р.И.Константинов”, Мырылаттан Ваня Сибиряков “Хаартыскаҕа түһэрии дьиктитэ”, Хахыйахтан Вилена Федорова “Билбэт үүнээйим”, Амма орто оскуолатын үөрэнээччитэ Алеся Луковцева “Мындаҕаайы лыахтара” дакылааттарынан Лауреат үрдүк аатын ситистилэр. 

IMG 20191122 WA0062

Мугудай орто оскуолатын үөрэнээччилэрэ  Дьулус, Вероника Скрябиннар, Мырылаттан Собакина Алиана, Амма орто оскуолатыттан Вика Евсеева бастакы миэстэни ыллылар.

Ити курдук Р.И. Константинов  ааҕыылара үрдэ таһымҥа буолан ааста.

София Николаева, Чара Никитина

IMG 20191122 WA0014

Прочитано 604 раз