Уроки по Joomla 3 можно найти здесь: http://joomla3x.ru/
Пятница, 17 мая 2019 17:50

VI төгүлүн ыытыллар «Айхаллан, Аҕа дойдум!» фестиваль улууспут эдэр патриоттарын муста.

Автор

     Саха АССР үтүөлээх учуутала, Чурапчы оройуонун, Болугур нэһилиэгин уонна Чурапчы сэлиэнньэтин ытык киһитэ, Саха республикатын П.А. Ойуунускай аатынан государственнай премия лауреата, «Гражданскай килбиэн» бэлиэ хаһаайына Иван Михайлович Павлов, буойун – учуутал проегын чэрчитинэн ыытыллар «Айхаллан, Аҕа дойдум!» улууспутугар сомоҕолоһуу уонна Улуу Кыайыы 74-сылыгар анаммыт фестиваль быйыл VI төгүлүн ыытылынна. Фестивальга 172 оҕо, 39 педагог, 15 төрөппүт кыттыыны ыллылар. Бырайыак сүрүн сыала –соруга төрөөбүт дойду историятыгар интэриэһи үрдэтии, үүнэр кэнчээри ыччакка сиэр-майгы, патриотическай өй-санаа, гражданскай эппиэтинэс сыаннастарын иҥэрии. Аҕа дойду сэриитин туһунан билиини-көрүүнү хаҥатыы, аҕа көлүөнэҕэ болҕомтолоох уонна ытыктабыллаах сыһыаҥҥа иитии.
     Үөрүүлээх арыйыы “Сандаара” бөлөх эҕэрдэ ырыатынан саҕаланна, салайааччы Любовь Макарова. Эҕэрдэ тылы Чурапчы улууһа МТ социальнай управлениятын начальнига Заболоцкая Мария Петровна, Үөрэх управлениятын оҕону иитэр уонна сайыннарар салаа начальнига Оконешникова Маргарита Прокопьевна, С.А.Новгородов аатынан Чурапчы орто оскуолатын история учуутала Люция Павловна Илларионова эттилэр.
     Улууспутуттан 9 оскуола бары историческай бэлиэ түгэннэри арыйар, киэҥ суолталаах театрализованнай постановкалары туруобуттар. Реквизитары, кыттааччылар таҥастарын-саптарын олус үчүгэйдик бэлэмнээбиттэр. Киэҥ далааһыннаах үлэ ыытыллыбыта харахха быраҕыллар.
     Түмүккэ, муҥутуур кыайыылааҕынан - Г.Д.Протодьяконов аатынан Алаҕар орто оскуолата “Ленский растрел” постановкатынан таҕыста. 2 миэстэ - Одьулуун орто оскуолата, “Дьылҕа олох ытылҕаныгар” туруоруу. 3 миэстэ-С.А.Новгородов аатынан Чурапчы орто оскуолата, “Маарыкчаан ыччаттара” туруоруу. Маны таһынан, анал ааттар ананнылар: Чаҕылысов Ньургун (Алаҕар орто оскуолата) барон Альфред Гинцбург оруолун чаҕылхайдык толорон “Лучшая мужская роль второго плана” ааты ылла. “Лучшая женская роль второго плана” - Протодьяконова Таня (Алаҕар орто оскуолата), Стеша оруолун толору арыйан ылла. “Лучшая постановка анал аат” - В.С.Соловьев аатынан Хатылы орто оскуолата (“Уһуктуу” Болот Боотур), “Лучшее освещение личности истории” анал аат- И.М.Павлов аатынан Чурапчы орто оскуолата (“И.М. Павлов олоҕо”), “Лучшая режиссура” анал аат - С.К. Макаров аатынан Чурапчы гимназията (“Документально-публицистическое представление на основе жизни и творчества П.А. Ойунского”),” Самая массовая постановка” анал аат- И.Е. Федосеев-Доосо аатынан Дирин агро орто оскуолата (“Мэлдьэхси Чурапчы оройуонугар холбоспутун историята”), “Лучшее погружение в историю” анал аат - Р.И. Константинов аатынан Амма орто сокуолата (“Абаҕа пионердара”).
     

Бары кыттыбыттарга,оҕолорго, учууталларга, төрөппүттэргэ барҕа махтал! Дойду историятын дириҥник үөрэтэн, билиигитин хаҥатан, өссө да үрдүк чыпчааллары дабайын.

Прочитано 814 раз