Уроки по Joomla 3 можно найти здесь: http://joomla3x.ru/
Понедельник, 09 октября 2017 16:42

Историческай диктант

Автор

Балаҕан ыйын 27 күнүгэр – Саха Өрөспүүбүлүкэтин судаарыстыбаннаһын күнүгэр улууспут үрдүнэн История диктана ыытылынна. История сылыгар араас тэрээһиннэр ыытылла тураллар. Чурапчы колхуостарын көһөрүү 75 сылын бэлиэтээһин киэҥник сырдатылынна, «Умнуллубат чахчылар, үйэлээх өйдөбүллэр» научнай-практическай конференция ыытылынна. Киэҥ эйгэни хабар инстаграм ситимигэр «Историяҕа бэйэҥ суолгун хааллар», «Хоһоон толооно», «Тэрилтэбит тэриллиитэ» акциялар ыытылла тураллар. Историческай диктант төрөөбүт дойдубут историятын билиини тургутуунан буолар. Ыйытыктар Чурапчы улууһун чулуу дьонун, бэлиэ кэмнэрин, история чахчыларын таарыйдылар.

IMG

 

Оскуола үөрэнээччилэрэ сарсыарда биир уруок устата толордулар, барыта 14 оскуолаттан 1204 оҕо кыттыыны ылла. Улахан дьоҥҥо киэһэ 5 чааска болдьоммута. Чурапчы нэһилиэгин иһигэр 30-ча тэрилтэҕэ, студеннарга үөрэх салалтатын специалистара оҥотторон 403 киһи кытынна. 11 нэһилиэккэ 286 киһи диктант сорудахтарын толордулар.

Тэрилтэлэр истэригэр ордук элбэх кыттааччы РЭС, ЧГИФКиС уонна полиция тэрилтэлэриттэн кытынна. Маны тэҥэ Киин балыыһа хонтуоратын, Чурапчы колледжын, улуус уонна нэһилиэк администрациятын, «Маарыкчаан» райпо тэрилтэлэрэ көхтөөх кыттыыны ыллылар.

IMG 20170927 WA0003

Түмүккэ тэрилтэлэргэ 1 миэстэни Якутскэнерго АК Чурапчы оройуонунааҕы электроситимин тэрилтэтэ, 2 миэстэни кииннэммит библиотека ситимэ, 3 миэстэни улуустааҕы киин балыаһа хонтуоратын үлэһиттэрэ ыллылар. Нэһилиэктэргэ 1 миэстэ – Мындаҕаайы, 2 миэстэ – Хатылы, 3 миэстэ – Хадаар буоллулар.

Прочитано 2668 раз Последнее изменение Понедельник, 09 октября 2017 16:50