Убаастабыллаах төрөппүттэр, оҕолор!

 

Публикация от MKU UO CHURAPCHA (@mku_uo_churapcha)

Убаастабыллаах төрөппүттэр, оҕолор!

Дойду бэрэсидьиэнэ В.В. Путин укааһынан ыам ыйын 1-10 күннэригэр уһун өрөбүллэр биллэрилиннилэр. Бары билэбит, бу уһун сынньалан үһүстээн күөдьүйэн эрэр хамсык ыарыыны тарҕаппат туһугар буолар.

РФ семейнэй кодексын 63 ыстатыйатын 1 пууна этэринэн оҕону иитии сүрүн өттө төрөппүккэ сүктэриллэр. Ону өйдөөн туран, аллара суруллубуту болҕомтоҕо ыларыгытыгар көрдөһөбүт:

📍Оҕолор элбэх буолан (доҕоттордуун,бииргэ үөрэнэр оҕолордуун) айылҕаҕа тахсыбаттарын санатын.
📍Сокуоннай сааһын ситэ илик оҕо 21 чаастан киэһэ төрөппүтэ суох уулуссаҕа сылдьыбат.
📍Сокуоннай сааһын ситэ илик оҕо булка барсара, саанан туттара сокуонунан бобулларын умнуман.
📍Оҕолорго бырааба, үөрэҕэ суох матасыыкылы, массыынаны ыытыы сэрэхтээҕин санатын.
📍Аймахтарга, доҕотторго ыалдьыттааһыны, элбэх буолан мустууну аччатын.
📍Оҕолоргутугар мууһунан сылдьыы доруобуйаҕа, олоххо сэрэхтээҕин өйдөтөн этин.
📍Общественнай миэстэҕэ сылдьыы кутталлааҕын уонна бэйэни уонна дьону харыстааһын быраабылаларын быһаарын.
📍Общественнай бэрээдэги кэһии, быраап утары дьайыыыны оҥоруу куһаҕан түмүктэрин туһунан сүбэтэ-амата биэрин.

🔴🔴🔴Тыҥаан турар ыгым кэмҥэ бары болҕомтолоох буолуоҕун бэйэбитигэр, оҕолорбутугар, чугас дьоммутугар!!!

 


E-mail